АБНА24 Хәбәр Верир ,Кремлин мәтбуат катиби Дмитри Песков билдириб ки, Виктор Медведчукун талеји илә марагланаҹаглар.
“Јери ҝәлмишкән, Авропа сијасәтчиләрини дә буну етмәјә, Кијев режиминин нүмајәндәләринин сијаси бахышларына ҝөрә ону тәгиб етмәсини дајандырмаға чағырырыг”, - Кремлин сөзчүсү вурғулајыб.
Песков Украјна Президенти Владимир Зеленскинин партија лидерини украјналы әсирләрлә дәјишмәк тәклифинә дә мүнасибәт билдириб.
“Медведчук Русија вәтәндашы дејил, о, хариҹи вәтәндашдыр”, - Песков вурғулајыб.
“Украјнанын “Мүхалифәт платформасы – Һәјат наминә” партијасынын рәһбәри Виктор Медведчукун Русија илә пәрдәархасы мүнасибәтләрә малик олмасына даир иддиалара мүнасибәт билдирән Песков дејиб: Әҝәр буну фәрзијјә олараг тәхмин етсәк, о заман Медведчук хүсуси әмәлијјата гәдәр Украјнадан ҝедәрди”.
Русија Хариҹи Ишләр Назирлијинин (ХИН) рәсми нүмајәндәси Марија Захарова да бу ҝүн кечирдији брифингдә билдириб ки,Украјна Президенти Владимир Зеленскинин Виктор Медведчукун украјналы һәрби әсирләрлә дәјишдирилмәси тәклифи сон дәрәҹә тәһлүкәли тенденсијадыр.
Украјна Президенти Владимир Зеленски “Мүхалифәт платформасы – Һәјат уғрунда” партијасынын Сијаси Шурасынын сәдри Виктор Медведчуку Русијаја әсир дүшмүш украјналы һәрбчиләрә дәјишмәјә һазыр олдуғуну бәјан едиб.
Гејд едәк ки, бу ҝүн Украјна президенти Володимир Зеленскинин “Телеҝрам”дакы рәсми каналында видеомүраҹиәти јајымланыб. Зеленски һәмин видеода русјөнүмлү партија лидерини украјналы әсирләрлә дәјишмәји тәклиф едиб: “Русија Федерасијасына онларын адамыны бизим әсирликдә олан оғлан вә гызларымыза дәјишмәји тәклиф едирәм”, - Зеленски гејд едиб.
342/
Кремл Украјнанын "Мүхалифәт платформасы – Һәјат уғрунда" партијасынын лидери Виктор Медведчукун талеји илә марагланаҹағыны билдириб.
14 aprel 2022 - 10:19
Xəbər kodu: 1247872
