Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Меһр Хәбәр Аҝентлијинин Әл-Ҹәзирә Хәбәр Аҝентлијинә истинадән вердији мәлумата ҝөрә, Ағ Евин Милли Тәһлүкәсизлик Шурасынын сөзчүсү Ҹон Кирби билдириб:
“Биз Сурија мүхалифәтинин (Суријада мөвҹуд олан террорчу групларын) бүтүн мүхтәлиф спектрләри илә әлагә сахламышыг вә Сурија халгынын тәләбләринин јеринә јетирилмәсини истәјирик!”
Ағ Евин Милли Тәһлүкәсизлик Шурасынын сөзчүсү АБШ-ын јаратдығы ИШИД террор груплашмасы илә бағлы иддиа едиб:
“Суријада ИШИД-ә гаршы һүҹумларымызын давам едәҹәјини ҝөзләјирик; Биз онлара тәзјиг етмәјә давам едәҹәјик!”
О әлавә едиб:
“АБШ-ын милли тәһлүкәсизлик мүшавири Ҹејк Сулливан бу ҝүн Гәззада мәһбусларын аиләләри илә ҝөрүшәҹәк. Инанырыг ки, Гәззада атәшкәсә наил олмаг вә мәһбуслары азад етмәк имканы вар вә буна наил олмаг үчүн һәлә чох иш ҝөрмәлијик.”
Америкалы мәмур Ҹон Кирби дүнја иҹтимаијјәтини һәмишәки кими ачыг-ашкар алдадараг фактлары дәјишдирмәк ҹәһди илә иддиа едиб: “Һәмас Гәззада атәшкәсә наил олмаг үчүн һәлә дә әсас манеәдир!”
Гејд едәк ки, Ҹон Кирбинин “Һәмас Гәззада атәшкәсә наил олмаг үчүн һәлә дә әсас манеәдир!” иддиасы Гәззада мүһарибәнин даһа да шиддәтлә давам едәҹәјинә сүбутдур. Исраил фашист режими арадан ҝетмәјинҹәјә гәдәр Гәззада мүһарибә дајанмајаҹагдыр!
Диггәт: Лүтфән Хәбәрдән Истифадә Етдикдә Мәнбәјә Истинад Един!
