Әһли-Бејт
(әлејһимус сәлам) – Бејнәлхалг Хәбәр Аҝентлији- АБНА: АБШ президенти Ҹо Бајден Тајвана
567 милјон доллар дәјәриндә јени һәрби јардым пакетини тәсдигләјиб. Билдирилир ки,
бу аддым АБШ-ын реҝионда ҝәрҝинлији артырмаға јөнәлмиш тәдбирләр силсиләсиндә сонунҹудур.
Ағ Евин ачыгламасында дејилир ки, јардым “Тајваны дәстәкләмәк” мәгсәди дашыјыр. Тајванла рәсми дипломатик мүнасибәтләринин олмамасына бахмајараг, Вашингтон Тајванын әсас бејнәлхалг дәстәкчиси вә мухтар адаја силаһ тәдарүкчүсүдүр. Чинин силаһ сатышыны дајандырмасы илә бағлы дәфәләрлә хәбәрдарлыг етмәсинә бахмајараг, АБШ Тајвана гаршы сабитлији позан сијасәтини давам етдирир.
Ағ Евин бәјанатында дејилир ки, Бајден АБШ дөвләт катибинә Тајвана һәрби тәлим вә лоҝистика јардымы үчүн Пентагона 546 милјон доллардан чох вәсаит ајырмаг сәлаһијјәти вериб.
Бәјанатда пакетин тәфәррүатлары верилмәсә дә, елан едилән мәбләғә әсасән, јардым кечән ијул ајында Тајвана верилән 345 милјон долларлыг һәрби јардым пакетиндән тәхминән ики дәфә чохдур.
Пекин Вашингтону Чинин дахили ишләринә гарышмагда ҝүнаһландырыр вә Тајванын илһагы үчүн һәрби варианты истисна етмәдијини, динҹ ссенаријә үстүнлүк вердијини вурғулајыр.
P.S: Ҝөзләјәк ҝөрәк нә олур.
Диггәт: Хәбәрдән Истифадә Етдикдә Мәнбәјә Истинад Лазымдыр!
