Әһли-Бејт
(әлејһимус сәлам) – Бејнәлхалг Хәбәр Аҝентлији- АБНА: Азәрбајҹан Сионист Исраил
режиминин јүксәк технолоҝијалар саһәсиндә фәалијјәт ҝөстәрән ширкәтләрини өлкәјә
дәвәт едир вә онлары верҝиләрдән азад едир. Бу барәдә гәсбкар режимин Ҝлобес нәшри
Азәрбајҹана көчмәк мүмкүнлүјүнү нәзәрдән кечирән ширкәтләрдәки мәнбәләринә истинадла
мәлумат јајыб.
Ҝлобес нәшри јазыр: Азәрбајҹан Исраилин јүксәк технолоҝијалар саһәсиндә фәалијјәт ҝөстәрән ширкәтләринә сәхавәтли верҝи ҝүзәштләри мүгабилиндә өлкәјә көчмәји тәклиф едир.
Јазыда билдирилик ки, Азәрбајҹан сионист ширкәтләрини 10 ил мүддәтинә корпоратив верҝидән, әмлак верҝисиндән, торпаг верҝисиндән вә дивиденд верҝисиндән там азад етмәји тәклиф едир.
Нәшр хатырладыр ки, бу, Азәрбајҹанын сечилмиш Исраил стартапларына тәклиф етмәјә башладығы имтијазларын һамысы дејил.
Бу аддым Бакыда технолоҝијалар паркынын ишә салынмасы илә бағлыдыр, лакин Азәрбајҹан һөкумәтинин нөгтеји-нәзәринә ҝөрә, ширкәтләр өлкәнин истәнилән бөлҝәсиндә јерләшдирилә биләр. Ҝлобес-ә мәлум олдуғуна ҝөрә, Исраилин јүксәк технолоҝијалар саһәсиндә фәалијјәт ҝөстәрән бир сыра ширкәтләри артыг өлкәјә көчмә барәдә данышыглар апарыр.
Јухарыда бәһс едилән верҝи имтијазлары илә јанашы, ширкәтләрин әмәкдашларынын 4700 АБШ долларына гәдәр ајлыг әмәк һаггына сыфыр ҝәлир верҝиси дәрәҹәси тәтбиг олунаҹаг.
Програм чәрчивәсиндә јашајыш иҹазәсинин рәсмиләшдирилмәсиндә вә мәишәт мәсәләләринин һәллиндә көмәји еһтива едән өлкәјә иммиграсија дәстәји ҝөстәрилир.
"Азәрбајҹан Аврасија реҝионунун технолоҝија "атасы" олмаға ҹан атыр, буна ҝөрә бу өлкәјә көчмәк ширкәтләрә түрк өлкәләринә ачылан бир гапы кими фајда верә биләр. Бакынын Анкара илә мүнасибәтләри "бир милләт, ики дөвләт" идејасына әсасланыр. Буна ҝөрә Түркијәдә фәалијјәт ҝөстәрмәк истәјән ширкәтләр вәзијјәтдән фајдалана биләр", дејә нәшр јазыр.
Програма Азәрбајҹанын Инновасијалар вә Рәгәмсал Инкишаф Аҝентлији (ИДДА) рәһбәрлик едир.
Азәрбајҹан сон илләрдә ҹидди-ҹәһдлә игтисадијјатын шахәләндирилмәси вә нефтдән "азад олма" үзәриндә ишләјән Фарс көрфәзи өлкәләриндән илһам алыр. ИДДА артыг мүвафиг кадрларын һазырланмасы үзәриндә ишләјир вә Интернет технолоҝијалары курсларында 3000-дән чох тәләбәјә тәгаүд ајырыр. Ҝәлән ил јерли сакинләр үчүн тәгаүдләрин сајынын 5000-ә гәдәр артаҹағы ҝөзләнилир. Мәлуматда тәгаүд ајрылан тәләбәләрин азәрбајҹанлы јохса сионист олдуғуна ајдынлыг ҝәтирилмәјиб.
ИДДА-нын өлкәјә көчән стартаплара дәстәк үзрә витсе-президенти Паша Әлијев ибрани дилиндә сәрбәст данышыр. О, Ҝлобес-лә сөһбәтиндә дејиб ки, Исраил ширкәтләринин ҹәлб едилмәси тәшәббүсү Азәрбајҹанда ҝүҹлү техноложи екосистемин гурулмасы үзрә даһа ҝениш сәјләрин тәркиб һиссәсидир.
Гејд едәк ки, ишғалчы сионист режимин Азәрбајҹанда информасија технолоҝијаларына нүфузунун узун кечмиши вар. Вахты илә бу өлкәнин зијалылары вә һәтта дөвләт адамларынын да сионистләрин пегасус адланан програмы васитәси илә нәзарәтдә сахланылдығы барәдә мәлуматлара јајылмышды.
Диггәт: Хәбәрдән Истифадә Етдикдә Мәнбәјә Истинад Лазымдыр!
