Түркијә/ Исвеч вә Финландијанын НАТО-ја үзвлүк үзрә әризәләри илә разылыг үчүн бу өлкәләрдә Күрдүстан Фәһлә Партијасы- ПКК-нын фәалијјәтинин гаршысынын алынмасы кими шәртләр ирәли сүрүб. Исвеч вә Финландија Түркијәнин шәртләринин һәјата кечирлләҹәји вәдини версәләр дә, Анкаранын разылығыны ҹәлб етмәк үзрә мүзакирәләр давам етмәкдәдир.
Мөвлуд Чавушоғлу дүнән дејиб: Исвеч вә Финландија Анкара гаршысындакы бүтүн өһдәликләрини јеринә јетирмәјибләр вә бу разылашмалар барәдәки нөвбәти јығынҹаг сон дәрәҹә мүһүм олаҹаг.
Чавушоғлу дејиб: Әлбәттә, бу ики өлкә НАТО-ја гошулмаг үчүн мүһүм аддымлар атыбдыр, амма һазыркы мәрһәләдә бу аддымлары јетәринҹә һесаб етмәк олмаз.
Бундан өнҹә Түркијәнин тәһлүкәсизлик мәсәләләри барәдә бу өлкәләрин мүштәрәк анлашмасынын арашдырылмасы үчүн Һелсинки шәһәриндә Түркијә, Исвеч вә Финландија арасында үчтәрәфли јығынҹаг кечирилмишди.
Анкара дејир ки, сөзүҝедән өлкәләр һәлә бу анлашмалара әмәл етмәјибләр.
342/
